Neustar olsem niu Registry blong .vu ccTLD bambae i sapotem dijital mo kalja ekonomi blong Vanuatu

Aug 12, 2019

Hem ia hem I Toktok blong George Ponga Vaes President, Corporate Affairs & Business Development-Registry Solutions Neustar, Inc. 

Neustar i glad tumas  blong talem aot nius ia tede se Telecommunications, Radiocommunications mo Broadcasting Regulator (TRBR) long Vanuatu, i bin apoenem mifala olsem niufala Registri mo DNS seves provaeda blong .vu ccTLD.

Yu save ridim moa long infomesen ia mo full anaonsmen blong TRBR long ples ia.

Hemi wan bik hona blong oli luk save bakeken ol big wok we mifala I stap mekem, ol experiens mo aproj blong mifala long Registry mo ol DNS operesen, naoia wetem TRBR mo Vanuatu dijital komuniti.

Naoia hemi wan narafala taem long histri blong .vu, wetem potensal blong save grow mo gat ol opotuniti blong strengtenem mo provaedem stabiliti we hemi impruvum namespace, hemia blong benefitim ol pipol blong Vanuatu, ol bisnis mo ol komuniti blong kantri. Mifala igat strong biliv se kredibiliti blong wan ccTLD hemi impotan, mo hemia hemi mekem se mifala operet olsem wan patna, be ino olsem wan bisnes, wetem ol Registry client blong mifala.

Long eksperiens blong mifala blong sapotem ol ccTLD olbaot long wol, inkludim United States or .US (long hemia oli awodem mifala ino long taem wetem wan riniu kontrak blong kasem 10 yia), blong Colombia.CO, mo India .IN, mifala I save gud se evri ccTLD oli no semak. Semak olsem we ol kantri ia oli no bikwan semak, ol kalja, kastom mo fasin oli no semak, hemi olsem ia tu wetem onlaen aedentiti  – blong olketa mo mifala I glad tumas blong statem wan niufala wokbaot blong impruvum kwaliti blong dijital ekosistem blong Vanuatu.

I gat fulap opotuniti insaed long .vu naoia wetem histri ia, we i lukim i start blong bildim mo growem wan strong Registrar channel, kasem taem we oli faenem mo krietem ol niufala market insaed long Vanuatu, mo raon long wol, kasem taem oli stanemap strong .vu namespace insaed long bisnis wetem ol dijital komuniti long Vanuatu, mo tu sapotem ol faonda, ol krieta mo ol bisnis man.

Semtaem, bambae mifala I mentenem mein fokas blong provaedem wan strong mo stebol Registry mo DNS seves blong .vu namespace, blong mekem sua se olketa we  oli stap usim oli stap kasem ol gud mo kwaliti seves oltaem.

Hemia hemi wan hapi dei blong Neustar mo mifala I stap luk fowod blong provaedem ol apdeit long prokres blong .vu Registry transfomesen, mo tu ol projek long fiuja, long ol wik mo manis we I stap kam. Bambae mifala istap kivim aot moa infomesen mo ol apdeit long niu website blong .vu, hello.vu (or bonjour.vu, or halo.vu!).